Kryetari i Ferizajt, Agim Aliu ka uruar veteranët për Ditën e Veteranëve të Ushtrisë Çlirimtare të Kosovës. Aliu ka thënë se me këtë datë kujtojmë sakrificën e brezave dhe mijërave ushtarëve të UÇK-së që me luftën e tyre dhe përpjekjen e patrembur sollën lirinë e vendit tonë.

Postimi i plotë:

Çdo fjalë, përshkruan pak, sakrificën që bënë Dëshmorët e Kombit për ta mbrojtur anekënd Kosovën. E pa më të voglin dyshim, janë vlerat e luftës sonë çlirimtare që gjithmonë lartësojnë krenarinë e ecjen tonë përpara.

Ferizaj e gjithë Kosovës, Urime Dita e Veteranit të UÇK-së!

Lavdi e përjetshme Dëshmorëve të Kombit dhe të rënëve për liri!