Nga Ambasada e Kosovës në Uashington kanë publikuar një pjesë të fjalimit të Vjosa Osmanit në seancën ku e njëjta është votuar presidente e Republikës së Kosovës.

Nga ambasada kanë kujtuar deklaratën e saj për raportin e ngushtë me SHBA-në si partner strategjik i përhershëm i Kosovës.

Gjithashtu, të njëjtët kanë publikuar edhe mesazhin që Osmani pati për të gjitha vajzat.

“Kuvendi i Republikës së Kosovës e zgjodhi Dr. Vjosa Osmani-Sadriu Presidente të Republikës së Kosovës. Presidentja Osmani theksoi raportin tonë të ngushtë me Shtetet e Bashkuara të Amerikës si partner i ynë i përhershëm strategjik. Si gruaja e dytë presidente në historinë 13 vjeçare të shtetit tonë ajo ka dhënë një mesazh për vajzat: “Vajzat e kanë vendin vetëm aty ku ato dëshirojnë, aty ku ato çdo natë ëndërrojnë, aty për çka ato punojnë fort e me zell. Mos e ndalni hapin tuaj kurrë! Çdo gjë është e mundur e çdo ëndërr e juaja mund të bëhet realitet dhe për këtë duhet të besojmë bashkë fort”. Presidentja Vjosa Osmani-Sadriu ka përfunduar studimet e nivelit Master në Universitetin e Pittsburgh School of Law ‘05 dhe ka Doktoruar në vitin 2015”.