Ambasada e Shteteve të Bashkuara të Amerikës ka shpërndarë deklaratën e të dërguari të posaçëm të presidentit amerikan, Donald Trump, për dialogun Kosovë-Serbi, ambasdorit Richard Grenell.

Ambasada e SHBA’së ka shpërndarë deklaratën e Grenellit ku thuhet se të gjithë duhet ta respektojnë vendimin e Gjykatës Kushtetuese, ku dha të drejtën rreth dekretit të presidentit Hashim Thaçi për mandatarin për kryeministër.

Grenell po ashtu ka shkruar dje se vendimi i Gjykatës Kushtetuese duhet respektuar për të ruajtur paqen, stabilitetin dhe integritetin në sistemin e drejtësisë në Kosovë.

Ai po ashtu ka deklaruar se pret të bashkëpunon me popullin e Kosovës dhe me qeverinë e re të saj.

“Gjykata Kushtetuese foli. Për të garantuar paqen dhe stabilitetin, dhe për të ruajtur integritetin e sistemit të drejtësisë në Kosovë – të gjithë duhet ta respektojnë vendimin e Gjykatës. Pres të vazhdoj bashkëpunimin tim me popullin e Kosovës dhe me qeverinë e tyre, për të sjellë prosperitet, zhvillim, dhe punë në rajon”, ka thënë Grenell.