Amir Rrahmani është bërë me trajner të ri.
Në fakt, Napoli e ka emëruar sot Walter Mazzarrin si trajner të ekipit të parë, ndërsa marrëveshja do të zgjasë deri në qershor të vitit 2024, njofton eksperti i transfereve, Fabrizio Romano, përcjell “Gazeta Express”.
Ish-trajneri i Interit dhe i Watfodrit e nënshkroi sot kontratën, ndërsa sot gjatë ditës do të zbulohet si trajner i ri.
Trajneri italian do ta pasojë të larguarin Rudi Garcia.
Pasi u shpall kampioni i Italisë me trajnerin Luciano Spalletti, Napolit nuk po i ecin punët mirë në këtë edicion dhe eksperienca e trajnerit Garcia në “Diego Maradona” ishte e shkurtër.
Mazzarri do të mundohet ta rikthejë Napolin në majat e futbollit italian