Ceremonia e tyre e martesës ishte pa bujë dhe u bë e ditur vetëm nga publikimi i fotove në rrjete sociale nga Angela.
Në dhjetor modelja shqiptare dhe bashkëshorti i saj, aktori me prejardhje rumune Dragos Savulescu, festuan një vjetorin e martesës në Itali, ku kaluan disa momente romantike të cilat Angela preferoi t’i ndante gjithashtu në rrjete sociale.

Modelja publikoi asokohe në “InstaStory” disa video nga festa e tyre intime duke ndarë me fansat pamje nga darka dhe nga dhoma e saj e hotelit.
Por, sëfundmi teksa po hidhnim nje sy profilit të Angelas në Instagram, pamë që ndryshe nga muaj më parë kur modelja nuk linte rast pa postuar foto me partnerin e saj dhe ishte goxha aktive, së fundmi publikime të tilla mungonin.
Postimi i fundit i modeles me bashkëshortin daton më 1 nëntor të vitit të kaluar në festën surprizë për ditëlindje që ajo i organizoi atij.

Ndërkohë që hera e fundit që Angela ka folur publikisht për martesën ka qenë në një intervistë për “Revistën Who” në muajin shkurt.

Një tjetër detaj që ngre më shumë dyshime një “ndarje të mundshme” është edhe fakti që bashkëshorti i modeles e ka mbyllur papritur llogarinë e tij në Instagram.

Sigurisht të gjitha këto mund të jenë rastësi, dhe asnjë nga këto detaje mund të mos jetë domosdoshmërisht tregues i një marrëdhënie të përfunduar, ama është e pashmangshme që të bëjnë përshtypje duke pasur parasysh “sjelljen” e mëparshme të Angelas ku eksopozonte gjithçka nga marrëdhënia e saj me partnerin.

“Marrëdhënia ime me rrjetet sociale është e shëndetshme. Jam e lumtur që jeta ime është shumë herë më e mirë se postimet e mia që ju shikoni në rrjete sociale.”-është shprehur modelja gjatë intervistës për “Revistën Who”.
Në këtë rast, urojmë vërtetë që jeta e saj private të jetë shumë herë më e mirë se postimet e munguara me Dragon gjatë gjithë kësaj kohe.