Plot 20 artistë performuan në natën finale të “Këngës Magjike” të mbajtur në Pallatin e Kongreseve në Tiranë.

Në fund të festivalit të këngës, fituesja rezultoi të jetë këngëtarja e njohur Anxhela Peristeri.

Kjo e fundin në edicionin e 19 u paraqit me këngën e saj “E çmendur”, e cila ishte më e votuara nga artistët pjesëmarrës.

https://www.instagram.com/p/Bcf_hSUnyX0/

Me këtë rast këngëtarja përmes llogarive në rrjetet sociale ka falënderuar të gjithë që kontribuuan në këtë sukses personal.

“Faleminderit të gjithë kolegëve që më votuan dhe i gjithë publiku që e pëlqyen dhe e duartrokitën fort! Ky projekt është më i rëndësishmi i jetës time dhe faleminderit shumë kori i Liceut Artistik. Faleminderit familja ime dhe të gjithë njerëzit që më kanë qëndruar pran. Ju dua të gjithëve”, ka shkruar në Instagram, Peristeri.

https://www.instagram.com/p/BcgEIKPHd9F/

Kënga “E çmendur” është një kompozim i Kledi Bahitit, ndërsa vargjet e saj janë shkruar nga Olti Curri.

Theksojmë se vendi i dytë shkoi për artisten Elhaida Dani me këngën e saj “E ngrirë”, ndërsa vendi i tretë për Fifin dhe këngën e saj shumë të suksesshme, “Zhurmë”.