AOC e ka prezantuar monitorin e ri U2790PQU, i cili është dizajnuar posaçërisht për përdoruesit profesionistë. Ky ekran 27-inçësh e ka një panel 10-bitësh IPS me rezolucion prej 3840×2160 pikselësh (4K) çfarë e preferojnë krijuesit e përmbajtjeve dhe profesionistët të cilët kanë nevojë për më shumë hapësirë për punë, raporton Guru3D.

AOC U2790PQU e ka një shtresë harmonike të ngjyrës metalike argjendi, korniza të holla prej tre milimetra, mbajtës ergonomik (lartësi të konfigurueshme deri në 130mm, si dhe anueshmëri), shkruan KOHA Ditore.

Sa u përket porteve, U2790PQU e ka një port HDMI 2.0, një HDMI 1.4 dhe një DisplayPort 1.2. Ofrohet edhe një hub USB 3.0 me 2 porte. Për zë janë përgjegjës dy altoparlantë prej 2W, të cilat janë integruar në monitor.

AOC U2790PQU do të jetë në dispozicion nga korriku me një çmim prej 299 funtesh.