Në Stacionin Policor Skenderaj është raportuar se janë dëgjuar të shtëna me armë zjarri në fshatin Terrnafc.

Njësitet policore kanë ndërmarrë veprime policore me ç’ rast është identifikuar dhe arrestuar i dyshuari mashkull kosovar, shkruan EkonomiaOnline.

Gjatë kontrollit në veturën e tij i është gjetur pesë fishekë dhe i është konfiskuar arma pushkë automatike me 16 fishekë.

Gjatë intervistimit, i dyshuari ka deklaruar se në shtëpi posedonte edhe një armë pistoletë me gaz të cilën e kanë konfiskuar.

Pas intervistimit me urdhër të prokurorit i dyshuari është liruar në procedurë të rregullt.

Ndaj tij është iniciuar rast për veprën penale “mbajtje në pronësi, kontroll, posedim i paautorizuar i armëve’’ dhe “përdorim i armës”.EkonomiaOnline.