Policia e Kosovës ka njoftuar se pas intervistimit kryetari i Federatës së Futbollit të Kosovës, Agim Ademi, është dërguar në mbajtje për 48 orë.
Sipas Policisë, në koordinim me prokurorin e shtetit, rasti është inicuar si “sulm fizik”.
“Në koordinim me prokurorin e shtetit, rasti është iniciuar sulm dhe personi i dyshuar është dërguar në mbajtje”, thuhet në njoftimin e Policisë së Kosovës.
Bëhet fjalë për raportimin e zyrtarit të Federatës, Artan Govorit të mërkurën se është sulmuar nga kryetari Ademi. Govori tha se nga Ademi është kapur për fyti në selinë e FFK-së.