Hetuesit rusë kanë arrestuar një grua në kërkim të vrasësve të një blogeri pro-luftës Vladlen Tatarsky në një shpërthim në një kafene në Shën Petersburg.
Darya Trepova, 26 vjeçare, ishte vendosur më parë në listën e të kërkuarve të ministrisë së brendshme dhe arrestimi i saj u konfirmua më vonë nga Komiteti Hetimor i Rusisë.

Mediat ruse raportuan se Tatarskit iu dha një statujë pak para shpërthimit dhe ka spekulime se një pajisje mund të ishte fshehur brenda, raporton BBC.

Dhjetëra persona të tjerë u plagosën gjatë shpërthimit.
Videot e postuara në rrjetet sociale treguan një shpërthim dhe njerëz të plagosur në rrugë.

Autoritetet ruse thonë se po hetojnë sulmin në qendër të qytetit të dytë më të madh të Rusisë si një “vrasje e profilit të lartë”, transmeton Klankosova.tv.
Mediat ruse raportuan se Trepova u arrestua në protestat kundër luftës në të kaluarën.