Pas punës së suksesshme operative në teren, hetuesit e stacionit policor të Ferizajt, kanë arrestuar sot njërin nga dy personat e  dyshuar për kryerjen e një grabitjeje, transmeton Ekonomia Online.

Sipas Policisë, ngjarja ka ndodhur dje rreth orës 17:20 minuta në rrugën “Besim Rexhepi” në Ferizaj, ku të dyshuarit,  G.R. (m/ sh/k  23 vjeç) dhe N.B. (m/sh/k ), me forcë nga viktima S.A. (f/sh/k) kanë marrë zingjirin e arit dhe janë larguar nga vendi i ngjarjes.

Gjatë intervistimit, i dyshuari në prezencë të avokatit mbrojtës, në tërësi ka pranuar veprën për të cilën akuzohet, ndërsa policia është në kërkim të dyshuarit të dytë.

Si provë materiale është gjetur dhe konfiskuar edhe zingjiri prej ari, të cilin të dyshuarit e kishin shitur në Prishtinë.

Pas intervistimit, me urdhër të prokurorit ndaj të dyshuarit G.R.  është shqiptuar masa e ndalimit policor për 48 orë.