Policia e rajonit të Prishtinës në kuadër të punës së saj për parandalimin e veprimtarive kriminale që po i sjellin dëme shoqërisë, ka intensifikuar veprimet e saj në drejtim të identifikimit dhe kapjes së personave të përfshirë në raste kriminale.

Sot nga njësite policore të stacionit Veriu në Prishtinë, është arrestuar një person i dyshuar (i mitur), të cilit i është gjetur dhe  sekuestruar  sasi  të  substancave narkotike.

Personi i dyshuar është ndaluar rreth orës 02:00, nga policia në rrugën “Vëllezrit Fazliu”në Prishtinë.

Pas intervistimit i dyshuari me vendim të prokurorit është dërguar në qendrën e mbajtjes, ndërkohë që hetuesit policor në koordinim me prokurorin e shtetit po kryejnë procedurat e nevojshme para se rasti të procedohet më tej.