Arsenal përgatit goditjen e madhe në janar, synohen Dembele ose Kvaratskhelia

Arsenal po planifikon një transferim të madh për repartin ofensiv në afatin kalimtar të janarit 2027.

Sipas “Fichajes”, londinezët kanë në listën e dëshirave dy yje të Paris Saint-Germain, Ousmane Dembélé dhe Khvicha Kvaratskhelia.

Të dy lojtarët shihen si opsione që mund ta rrisin ndjeshëm cilësinë e sulmit të skuadrës së Mikel Artetës.

Nëse Arsenal nuk arrin të transferojë njërin prej dy yjeve të PSG-së, alternativa është sulmuesi i Bournemouthit, Junior Kroupi.

Klubi anglez pritet të monitorojë situatën e këtyre futbollistëve gjatë muajve në vijim, përpara se të përcaktojë objektivin kryesor për merkaton e janarit.