Numri i të prekurve me coronavirus në Kosovë ka arritur në 16, ndërsa qytetarëve u bëhet thirrje që t’i respektojnë rekomandimet e Ministrisë së Shëndetësisë dhe Instituti Kombëtar të Shëndetit Publik.

Në disa media u raportua se është konfirmuar një rast me coronavirus në komunën e Deçanit, mirëpo këtë e ka mohuar kryetari i kësaj komune, Bashkim Ramosaj.

Ramosaj ka bërë të ditur se i kanë dërguar tre persona për testim por deri më tani nuk ka asnjë rezultat.

“Nuk është e vërtetë i kemi dërguar tre persona nga dy familje që kanë kërkuar ndihmë për analiza por nuk ka ndodnjë rezultat deri më tani, përtej dyshimit dhe lajmeve të rrejshme”, ka thënë Ramosaj.

Të njëjtën gjë e ka konfirmuar edhe shefi i Shtabit Emergjent në Deçan, Izet Zenuni, tranmseton Telegrafi.

“Nuk është e vërtetë, ka pasur dyshime jemi në pritje të analizave”, ka thënë Zenuni.