Austria e ka befasuar Holandën në EURO 2024, duke e mposhtur 2:3, dhe kësisoj e ka fituar grupin D ku luanin edhe Franca me Poloninë.

Austriakëve iu anulua epërsia dy herë, por jo edhe të tretën kur realizoi Marcel Sabitzer dhjetë minuta para fundit të takimit.

Fillimisht avantazhin ua kishte dhuruar Donyell Maleni me autogolin më të shpejtë në histori të EUROS, në minutën e gjashtë.

Për Tulipanët barazoi Cody Gakpoja në minutën e 47-të, por Austria gjeti sërish avantazhin në minutën e 59-të përmes Roman Schmidit.

Memphis Depay barazoi me një gol të bukur në minutën e 75-të, por pesë minuta më vonë Austria e vulosi fitoren.

Me gjashtë pikë, Austria zë vendin e parë në grupin D, me një më shumë se Franca në të dytin, dhe dy më shumë se Holanda në të tretin.