Presidenti i Serbisë së Bashkuar njëherësh deputet, Dragan Markoviq- Palma, ka kërkuar në Vjenë të Austrisë që në ligjin austriak të ndalohet shfaqja  e simboleve të organizatave të ndryshme, përfshirë ato të UÇK-së.

“Më 1 mars, Austria bëri një ligj që simbolet e organizatave të ndryshme nuk mund të theksohen, në ndërtesa, të barten në qytet. Unë kërkova që simbolet e të ashtuquajturës UÇK nga Kosova të përfshihen në atë ligj”, tha Markoviq i cili po qëndron në Vjenë me një grup prej 850 personash nga Jagodina, kryesisht studentë.