Mbrëmë rreth mesnatës dy policë u plagosën në Skënderaj.

Në rast u raportua se ishte i përfshirë edhe ish-nënkryetari i komunës së Skenderajt Nuredin Lushtaku, djemtë dhe vëllezërit e tij.

Avokati i tij Artan Qerkini, tha për Klankosova se klienti i tij nuk e ka përdorur armën.

“Deri më tani nga informacionet që kam mund të ju konfirmojë z. Lushtaku nuk e ka përdorur armën. Nuk mund të jap informacione më shumë sepse rasti është në procesin e hetimit”- tha Qerkini.

Lidhur me rastin policia ka deklaruar për Klankosova.tv se dy persona janë arrestuar derisa dy të tjerë janë në kërkim.

Sipas tyre njëri nga policët ka marrë plagë në këmbë nga arma e zjarrit derisa tjetri është lënduar nga një mjet i fortë.

Të dy janë jashtë rrezikut për jetë.