Kryetar i Sindikatës së Punëtorëve të Sektorit Privat, Jusuf Azemi ia ka përkujtuar Ministrit të Shëndetësisë, Arben Vitisë, kërkesat e kahmotshme të punëtorëve teknik të sektorit privat të Kosovës.

Azemi në një postim në facebook, ka shkruar se ” ministrit Vitia dhe drejtorit të SHSKUK pas 6 muajsh ua përkujtuam prapë kërkesat e punëtorëve teknik dhe atyre fizik që punojnë në spitalet e Kosovës, të cilat kërkesa premtoi se shumicën prej tyre do ti realizoi, në takimin e mbajtur me 21.02.2023 “.

Ai ka potencuar se ministri, “edhe sot e kësaj dite zgjodhi rrugën e heshtjes”.

Disa nga kërkesat sipas kësaj sindikate, janë: rritja e pagave mujore minimumi 450euro, Pagesa e stazhit të punës, të mundësohet ushqimi falas këtyre punëtorëve në mensat e spitaleve etj.