Superliga e Kosovës në futboll rikthehet sot, pas ndeshjes hapëse që u luajt dje në Drenas.

Xhiroja e dhjetë vazhdon me dy ndeshje tejet interesante edhe sot në elitën e futbollit kosovar.

Dukagjini i Ismet Munishit synon të vazhdojë serinë e fitoreve, por që përballë ka kampionin në fuqi, Ballkanin.

Ky i fundit, nën drejtimin e Artim Pollozhanit ka rikthyer formën e duhur dhe momentalisht lryeson tabelën.

Në anën tjetër, Gjilani e pret Llapin.

Skuadra e Ardian Nuhiut po kalon në momentet më të këqija, duke u pozicionuar në vendin e tetë në tabelë, me dy ndeshje radhazi pa fitore.

Ndërkohë të besuarit e Tahir Batatinës renditen të pestit në tabelë, por që herën e fundit në fushën e blertë, u mposhtën nga Dukagjini.

Të dy ndeshje do të nisin nga ora 13:00.