Shqipëria shkëlqeu sa i takon organizimit të Samitit të Procesit të Berlinit. Ndërsa vetë Samiti zbuloi sërish paaftësinë e BE-së.

Pothuajse nuk guxuan ta përmendin përgjegjësinë e Serbisë për sulmin terrorist kundër Kosovës.

Deklarata e kancelarit Sholc se Serbia duhet të bashkëpunojë në hetime, ishte vetëm tymnajë.

T’i kërkohet Serbisë të bashkëpunojë vullnetarisht me organet e drejtësisë së Kosovës, kjo kërkesë është naive.

BE-ja shkëlqimin e ka për vete, ndërsa aty ku duhet të bëjë duart pis, për të eliminuar ndyrësinë, siç është politika serbe e destabilizimit të Ballkanit, BE thjesht abstenon.

Paaftësi apo hile, apo të dyjat bashkë? Shkurt e shqip: Ballkani Perëndimor e ka vetëm një problem: Serbinë imperiale e gjenocidale, projektin “bota serbe”.

Problemet e tjera në Bosnje, në Malin e Zi, në Kosovë, e indirekt edhe në Maqedoninë e Veriut e edhe në Shqipëri, janë vetëm pasoja.

Por, B.E shtiret sikur nuk e di. Fakti që Shqipëria bën organizim të atillë kulminant, dëshmon se mund të ishte në B.E, po të mos ishin problemet që ka shkaktuar politika serbe e gjenocidit në rrethimin e saj, e cila ende po e mban rajonin në krizë permanente.