Barcelona e ka ndërprerë interesimin për sulmuesin e Interit, Lautaro Martinez – bën të ditur Calciomercato.

Blaugranët e kanë kërkuar argjentinasin gjatë kësaj vere, mirëpo nuk kanë arritur marrëveshje me Interin për transferimin e tij.

Për më shumë, ata nuk deshën ta paguanin klauzolën për prishjen e kontratës së tij, e cila tashmë ka skaduar.

Ndërkaq, që nga angazhimi i Ronald Koeman në postin e trajnerit, objektivi kryesor ka qenë largimi i lojtarëve, para se skuadra të angazhojë futbollistë të rinj.

Kur ka mbetur edhe afro një javë deri në mbyllje të afatit kalimtar, Interi do ta kishte të vështirë të gjejë zëvendësim, prandaj transferimi është thuajse i pamundur, kështu që Barca ka hequr dorë nga Lautaro në këtë afat kalimtar.