Kur arrin ky moment i sezonit dhe Reali është në ndjekje, nga kryeqyteti spanjoll thërrasin në ndihmë historinë në përpjekje për përmbysjen e situatës. Reali vërtet është në ndjekje, por vetëm tri janë pikët që e ndajnë nga Barcelona kryesuese.barcelonaNë fakt, duhet të bëjnë mirë të thërrasin historinë në ndihmë, sepse kjo Barcelonë po marshon me një ritëm të çmendur. Me nëntë javë të mbetura deri në fund të sezonit në La Liga (27 pikë në lojë), blaugranat komandojnë me 66 pikë, tri më shumë se Reali, një distancë më se e menaxhueshme, mendojnë më optimistët në Madrid, edhe pse skuadra e Ançelotit ka një dificit për të mbyllur, mesataren e golave: do të duhej të fitonte 0-5 në vizitën e tyre në “Montjuiç” në maj nëse gjenden në të njëtat pozita me 3 pikë diferencë apo me pikë të barabarta.

Gjithsesi, trendi mes dy skuadrave është shumë i ndryshëm, pasi Barcelona po marshon, ndërsa Reali është më i lëkundur. Në kontekst të shifrave, në nëntë ndeshjet e fundit të La Ligas, Barcelona ka fituar 27 pikë nga 17 të Realit. Këto 10 pikë më shumë i kanë mundësuar të arrijë dhe kalojë Realin pas diferencës në janar. Përtej pikëve, ndjesitë e nivelit të lojës janë më të favorshme për Barcelonën, e cila ka shënuar 30 gola në këto nëntë ndeshjet e fundit në La Liga, krahasuar me vetëm 15 për Madridin.

Edhe një fakt për golat e shënuar. Sipas “Opta”, Barcelona e Flik ka arritur një rekord që është i paprecedentë për një ekip të La Ligas. Askush në histori nuk kishte arritur shifrën e 139 golave të shënuar nga katalanasit pas 45 ndeshjeve në të gjitha garat. Dhe në vitin 2025, Barcelona ka njëzet ndeshje pa humbje, me një ecuri spektakolare në La Liga me nëntë fitore radhazi, numra që nuk ishin parë në “Can Barça” për gati një dekadë.