Në javën e fundit të vitit 2018/19, Barcelona njoftoi shitjet e katër lojtarëve për një shumë prej 77.4 milionë euro, ndërsa ata i thanë lamtumirë edhe Jasper Cillessen, Andre Gomes, Denis Suarez dhe Marc Carmona, ndërsa Marc Cucurella po ashtu gjendet në listë.

Largimet e këtyre lojtarëve, përveç atyre të bëra që nga 1 korriku 2018, arritjnë në 221 milionë euro, që është një rekord shitjeje për katalanasit.

Për vite të tëra klubi është kritikuar për paaftësinë e tyre për të shitur lojtarë, me lëvizjen e Neymar prej 222 milionë euro që Paris Saint-Germain pagoi për klauzolën e tij dhe nuk konsiderohet si shitje e madhe, por gjërat kanë ndryshuar që kur në klub kanë ardhur Oscar Grau dhe Pep Segura, transmeton lajmi.net.

Lista e shpenzimeve të Josep Maria Bartomeu është ulur dhe klubi është kompensuar mirë nga këto shitje, të cilat kanë qenë të gjitha biznes i mirë, pasi ata ishin lojtarë që Ernesto Valverde nuk kishin plane për ta, ose, në rastin e Cillessen, i cili kishte kërkuar të largohej.

Përjashtimi i vetëm për këtë është Paulinho, i cili u vlerësua nga Valverde. Oferta nga Kina ishte e parefuzueshme për Barçën, pavarësisht se braziliani filloi të shkëlqente në ‘Camp Nou’.

Barcelona është shumë e qartë se filozofia e tyre e transferimit është të gjejë lojtarët më të mirë në dispozicion, por edhe të tjerët që mund të shiten me fitim.