Mesfushori paraguaian Edgar Barreto është lojtari i radhës i klubit të Serie A, Sampdoria që është diagnostikuar me Coronavirus.

Lajmin e ka bërë të ditur ambasadori i Paraguait në Itali, Roberto Melgarejo.

Manolo Gabbiadini, Albin Ekdal, Antonino La Gumina, Morten Thorsby, Fabio Depaoli dhe Bartosz Bereszynski kanë rezultuar më herët pozitiv në teste për Coronavirus.

“Barreto dhe bashkëshortja e tij kanë dal pozitiv me COVID-19 dhe janë në izolim. Ata janë mirë. Situata në Itali është mjaft serioze, dëshira ime më e madhe është që pandemia të mos bëhet e rëndë në Paraguai”, ka thënë Melgarejo për “La Union”.

Futbollisti çek i Sampdorias, Jakub Jankto ka njoftuar javën e kaluar se 15 persona në klubin e Sampdorias kanë dal të infektuar me koronavirus.

Barreto ka luajtur vetëm dy ndeshje me Sampdorian këtë stinor dhe në total ka luajtur 110 ndeshje për klubin nga Genoa që kur u transferua nga Palermo në korrik të vitit 2015.