Bayern Munich është ekipi i parë në histori të Champions League që fiton 8 ndeshje radhazi si mysafir në fazën e grupeve, pas triumfit 1-3 ndaj Galatasaray.

Bavarezët tash janë të pamposhtur për 37 ndeshje radhazi në fazën e grupeve të Champions dhe kanë fituar 16 duele rresht në këtë fazë.

Përveç gjigantit turk, gjermanët këtë sezon në grupin A kanë mposhtur edhe Manchester United me shifrat 4-3 dhe Copenhagen 1-2.