Ish-deputet i PDK-së, Artan Behrami derisa ka postuar një fotografi të kryetarit të PDK-së, njëherit dhe kandidati për Kryeministër, Bedri Hamza ka thënë se roli i tij ka qenë thelbësor, jo vetëm si autoritet politik, por edhe si figurë me peshë morale.

“Në një periudhë vendimtare për Partinë Demokratike të Kosovës, roli i Bedri Hamzës ka qenë thelbësor – jo vetëm si autoritet politik, por edhe si figurë me peshë morale. Gjatë pesë viteve të fundit, ai ka dhënë një kontribut që tejkalon angazhimin e shumëkujt në gjithë historinë 26-vjeçare të PDK-së.  Me përkushtim të jashtëzakonshëm, ka sakrifikuar kohë, energji dhe karrierë personale për të mbajtur të qëndrueshme partinë dhe për të mbrojtur vlerat mbi të cilat ajo është ndërtuar:, ka shkruar ai.

Beharmi tutje në profilin e tij “Facebook” ka shkruar se Hamza ka zgjidhur probleme që dukej që nuk kishin zgjidhje.

“Në rrethana të vështira, shpesh të padrejta dhe politikisht të ngarkuara, ai ka menaxhuar situata që dukeshin të pamundura për t’u menaxhuar. Ka zgjidhur probleme që dukej se nuk kishin zgjidhje dhe ka qenë shtylla kryesore e mbrojtjes së PDK-së në njëperiudhë të vështirë pa Presidentin Hashim Thaçi dhe kryetarin, Kadri Veselin. Faleminderit për gjithçka, kryetar!”, ka shkruar Behrami.