Sot ishte paraparë që para anëtarëve të Komisionit për Mbikëqyrjen e AKI-së, të raportojë shefi i AKI-së, Petrit Ajeti. Kjo mbledhje dështoi për shkak se deputetët e VV-së në këtë komision bojkotuan qëllimisht mbledhjen e sotme. Ndaj këtyre zhvillimeve ka reaguar deputeti i AAK-së, Bekë Berisha, njëherit anëtar i këtij komisioni.
‘Kemi ardhur në një situatë ku Dick Marty ka heq dorë nga agjenda ruse/serbe dhe nga akuzat kundër UÇK-së, derisa Albin Kurti dhe VV-ja hala t’u e mbajt frontin’, ka shkruar Berisha.
Reagimi i plotë:
Takim me shefin e AKI së
Paramendo kemi ardhur në një situatë ku Dick Marty ka heq dorë nga agjenda ruse/serbe dhe nga akuzat kundër UÇK-së, derisa Albin Kurti dhe VV-ja hala t’u e mbajt frontin.
Sot, VV-ja e bojkotoi raportimin e shefit të AKI-së për këtë skandal ndërkombëtar, për të cilin Qeveria e jonë nuk e thotë asnjë fjalë.
Albin Kurti tashmë është pozicionuar kundër UÇK-së dhe Amerikës edhe si kryeministër.