Bekë Berisha, Kurtit: Sikur me bashkimin kombëtar, prano që i ‘hëngre fjalët’ për Zajednicën

Deputeti i AAK-së, Bekë Berisha, gjatë seancës së sotme në Kuvendin e Kosovës ku po diskutohet për dialogun dhe Asociacionin ka qenë kritik me kryeministrin Albin Kurti.

Berisha i ka thënë Kurtit wr temën e Asociacionit ta tejkalojë sikur premtimin e hershëm të tij për bashkim kombëtar.

“Nuk ke nevojë me fol shumë, veç po është momenti, e kam pranu Zajednicën. Gjithë mllefi i deputetëve ndaj teje është pikërisht për shkak të premtimit që e ke dhënë sa ishe në opozitë, ke pasur fjalë ndryshe. Ka njerëz këtu që e kanë nisur asociacionin dhe e pranojnë sot Zajednicën. Veç dil pranoje, thuaj po e pranoj Zajednicën”, deklaroi Berisha.