Kandidati për deputet i Partisë Demokratike të Kosovës (PDK), Hajdar Beqa, ka thënë se la përmbyllur një ditë të suksesshme takimesh me banorët e Gurit të Kuq në Rahovec, ku ka marrë mbështetje të madhe për PDK-në dhe programin e saj për zgjedhjet e 9 shkurtit. Beqa ka theksuar se banorët e kësaj zone janë të angazhuar për një të ardhme më të mirë të Kosovës dhe se edhe Guri i Kuq është bashkuar me platformën politike të PDK-së.

Kandidati i PDK-së ka theksuar angazhimin e tij për të sjellë ndryshime pozitive dhe zhvillim për qytetarët e Kosovës, duke e konsideruar mbështetjen e banorëve të Gurit të Kuq si një nxitje për të vazhduar punën e tij për një të ardhme më të mirë për vendin.

“Sonte po e përmbyllim ditën me një takim me banorët e Gurit të Kuq në Rahovec, nga ku morëm mbështetje të fuqishme për PDK-në dhe programin e saj për zgjedhjet e 9 shkurtit. Edhe Guri i Kuq po i bashkohet platformës sonë politike për një Kosovë më të mirë me Bedri Hamzën kryeministër”, ka shkruar ai.