Kryeministrja e Serbisë, Ana Brnabiq, ka thënë se deklarata e ministrit të Jashtëm kroat Gordan Gërliq-Radman për Serbinë dhe Aleksandar Vuçiqin ishte një gjest diplomatikisht i vrazhdë dhe i papranueshëm.

“Frustrimi i Kroacisë dhe makthi i tyre më i keq është se Vuçiq ulet në karrigen “serbe”, tha ajo për TV Prva, duke reaguar ndaj deklaratës së kryediplomatit kroat për Vuçiqin dhe uljen në shumë karrige kur bëhet fjalë për politikën e jashtme.

Ajo thotë se deklarata e Gërliq-Radman është një tjetër presion ndaj Serbisë, “siç është rezoluta e Parlamentit Evropian lidhur me Kosovën dhe mosvendosjen e sanksioneve ndaj Rusisë”.