Pasi mori 71 vota, Vjosa Osmani është betuar para deputetëve të Kuvendit të Kosovës si presidente, raporton Ekonomia Online.
Pas kësaj ajo ka marrë urime nga deputetët e Kuvendit, derisa në sallën ku është mbajtur seanca është intonuar himni i Kosovës.
Ajo fitoi në raundin e tretë të votimit. Për kundërkandidat kishte ish-kandidatin për deputet, Nasuf Bejtën. Në raundin e tretë të votimit morën pjesë 82 deputetë, ku 11 vota ishin të pavlefshme.
Që të dy në zgjedhjet e 14 shkurtit kanë kandiduar me Listën e Osmanit, që garoi në kuadër të listës së deputetëve të Lëvizjes Vetëvendosje.