Presidenti amerikan Joe Biden mbërriti në La Nuvola të dielën në mëngjes për ditën e tij të dytë në Samitin e Liderëve të G20 në Romë, i cili filloi me një takim ballë për ballë me presidentin turk Rexhep Tajip Erdogan.

Në takim, Biden ngriti shqetësimet për blerjen e një sistemi rus të mbrojtjes raketore nga Turqia – gjë që bëri që ligjvënësit amerikanë t’i bënin presion Bidenit që të mos i shiste Turqisë avionë luftarakë F-16 – dhe foli për rëndësinë e të drejtave të njeriut.

“Ne po planifikojmë të kemi një bisedë të mirë”, tha Biden ndërsa ai dhe lideri turk pozuan për një foto në krye të tubimit, transmeton Klankosova.tv.

Biden u pyet nëse administrata do t’i shiste Turqisë F-16, gjë për të cilën ligjvënësit amerikanë e kanë paralajmëruar atë. Presidenti u pyet gjithashtu nëse ai do të ngrinte të drejtat e njeriut në takim dhe nëse Turqia ishte bërë shumë komode me rusët. Ai i injoroi këto pyetje dhe u tha ‘faleminderit’ gazetarëve.

Takimi mes dy liderëve ka zgjatur më pak se një orë.