Presidenti amerikan, Joe Biden, ka bërë të ditur se ShBA-ja dhe aleatët e saj të NATO-s do ta mbështesin Ukrainën “për aq kohë sa të duhet” derisa ajo të përballet me ofensivën e Moskës.

“Ne do të qëndrojmë me Ukrainën dhe e gjithë aleanca [NATO] do të qëndrojë me Ukrainën, për aq kohë sa duhet për t’u siguruar që ato të mos mposhten nga Rusia,” u tha Biden gazetarëve në samitin e NATO-s, shkruan Aljazeera, transmeton Klankosova.tv.

“Ukraina i ka dhënë tashmë një goditje të rëndë Rusisë”, shtoi ai, duke vënë në dukje se nuk e dinte se si do të përfundonte konflikti, por duke u zotuar se “nuk do të përfundojë me një humbje ruse të Ukrainës”.

Biden tha gjithashtu se Washingtoni do të shpallë një paketë të re ndihme ushtarake për Ukrainën me vlerë 800 milionë dollarë në ditët në vijim.