Presidenti amerikan Joe Biden ka thënë të enjten se planifikon të kandidojë për president edhe në zgjedhjet e vitit 2024.

Biden, 78 vjeçar, është personi më i vjetër në historinë e SHBA-së i cili ka arritur të marrë pozitën e presidentit.

Po ashtu, deri vonë është besuar se Bideni do të shërbejë nga kjo pozitë vetëm për një mandat katër vjeçar deri sot kur deklaroi se do të kandidonte edhe në zgjedhjet e ardhshme.

Joe Biden, ka mbajtur të enjten konferencën e tij të parë zyrtare si president.

Bideni ka hapur konferencën me deklaratën se qëllimi i tij i ri është marrja e 200 milionë dozave të vaksinave anti-COVID për të vaksinuar amerikanët brenda 100-ditëshit të tij në zyrën presidenciale.

“Unë besoj se mund ta bëjmë”, ka thënë Biden.