Instituti Kombëtar i Shëndetit Publik ka bërë të ditur se numri total i rasteve pozitive është 11.130 raste nga 43.093 persona të dyshimtë në virusin SARS-CoV-2 dhe 381 raste të vdekjes.

IKSHPK njofton se numri i përgjithshëm i të shëruarave deri më sot është gjithsej 6.817 raste, kurse numri i rasteve aktive është 3.932.

Një ditë më parë ministri i Shëndetësisë, Armend Zemaj ka thënë se situata e krijuara nga COVID-19 është e menaxhueshme por që duhet më shumë respektim i masave.

Zemaj është shprehur se është bërë progres në menaxhimin e situatës.

“Kemi bërë hapa progresiv. Këtë javë kemi hartuar edhe protokollin e ri klinik i cili është i rëndësishme në menaxhimin e COVID-19 dhe besojmë që ky udhërrëfyes klinik që synon t’i trajtoj personat e dyshimtë. Pjesa tjerë, angazhimi jonë për ngritje të kapaciteteve qofshin në aspektin human dhe infrastrukturorë, sot kemi një nivel ndryshe të trajnimit të pacientëve dhe të gjithë personave në gjithë Kosovën. Me lirimin e masave është parë e domosdoshme rritja e kapaciteteve spitalore, kemi autorizuar edhe spitalet rajonale të ofrojnë këtë shërbim dhe në numër të konsiderueshme, ndërsa shqetësues është vdekshmëria në të gjitha nivelet”, është shprehur ministri.

Ai po të premten ka përshëndetur votimin e Ligjit për luftimin e pandemisë COVID-19.

Zemaj përmes një postimi në Facebook, ka shkruar se ky ligj përcakton përgjegjësitë dhe rolin e institucioneve shtetërore, institucioneve publike dhe publiko-private në marrjen e masave për parandalimin, trajtimin, monitorimin dhe sigurimin e financimit dhe ndarjen e përgjegjësive gjatë pandemisë COVID-19.