Sipas Teheranit, Irani dhe Shtetet e Bashkuara të Amerikës nuk janë të përfshira në bisedime të drejtpërdrejta.

Ministri i Jashtëm i Iranit, Abbas Araqchi, tha se diskutimet nuk do të rifillojnë për sa kohë që ShBA, sipas tyre, “shkelin” marrëveshjen e përkohshme të nënshkruar në qershor .

Ai shtoi se mesazhet midis dy vendeve po shkëmbehen nëpërmjet ndërmjetësve, raporton Sky News.

Araqchi ritheksoi qëndrimin e Iranit se një marrëveshje për Ngushticën e Hormuzit me Omanin ishte në “fazat përfundimtare”, por këmbënguli se ajo nuk do të rihapet ende.

Ndërkaq, zyrtarët amerikanë kanë thënë vazhdimisht se nuk do të pajtoheshin që Irani të kontrollonte aksesin në rrugën më të rëndësishme tregtare në botë për furnizimet me energji.