Një bombë prej 250 kilogramësh e Luftës së Dytë Botërore e zbuluar në Berlin tre javë më parë është çaktivizuar me sukses, konfirmoi një zëdhënës i policisë herët në mbrëmjen e së dielës.

Sipas mediave të huaja, përcjell Telegrafi, bomba tani do të hiqet nga vendi ku u zbulua në Spitalin Hebraik të Berlinit.

Rreth 15,000 banorëve vendas iu kërkua të largoheshin nga shtëpitë e tyre për sigurinë e tyre gjatë operacionit.

Ekspertët e policisë për eksplozivët udhëhoqën operacionin për çaktivizimin e bombës.

Një zonë përjashtimi prej 500 metrash rreth zonës ka qenë në fuqi që nga mëngjesi i së dielës.

Policia tha se evakuimi i zonës ishte vonuar ndjeshëm për shkak të kohës së paparashikuar të nevojshme për evakuimin e personave me aftësi të kufizuara fizike dhe sëmundje akute.