Britney Spears i kërkoi një gjykatësi të mërkurën t’i jepte fund konservatoritetit që ka kontrolluar jetën dhe paratë e saj që nga viti 2008.

Kërkesa dramatike në një seancë dëgjimore në Los Angeles erdhi me fjalët e saj të para në një gjykatë të hapur në lidhje me konservatoritetin në ekzistencën e saj 13-vjeçare.

Spears e quajti konservatorin ‘abuziv’ dhe dënoi babanë e saj dhe të tjerët që e kontrolluan atë.

“Unë dua t’i jap fund këtij konservatoriteti”, tha Spears në një fjalim të gjatë emocional, në të cilin ajo dënoi babanë e saj që e ka kontrolluar atë për pjesën më të madhe të ekzistencës së saj.

“Ky konservatoritet po më bën më shumë dëm sesa dobi”, tha ajo. “Unë meritoj të kem një jetë”.

Britney shtoi se dëshiron të martohet me të partnerin e saj dhe të ketë një fëmijë, por konservatoriteti nuk do ta lejojë atë.

Rreth 100 fansa nga e ashtuquajtura lëvizja #FreeBritney u mblodhën jashtë gjykatës përpara seancës, duke mbajtur në duar pankarta që shkruanin “Të lirohet Britney” dhe “Dil nga jeta e Britney”.

Artistja e popullarizuar ka qenë nën një konservator për 13 vitet e fundit që nga divorci me Keven Federline.

“Jam lodhur duke u ndjerë vetëm. Unë meritoj të kem të njëjtat të drejta si çdokush duke pasur një fëmijë, një familje, ndonjë nga ato gjëra, dhe më shumë”, përfundoi Spears.