Bruce Willis do të bëhet trajneri i Mike Tysonit, jo në realitet, por në filmin “Cornerman”. Ai do të interpretojë trajnerin e boksit Constantine ‘Cus’ D’Amato.

Historia do të ambientohet në New York në vitet 1980 dhe do të tregojë sesi trajneri, pasi stërviti kampionë të tillë si Floyd Patterson dhe Jose Torres, zbuloi dhe u bë mentori i Mike Tysonit, i cili në atë kohë ai ishte vetëm një adoleshent, transmeton tch.

Bëhet fjalë për një histori të dedikuar një dashurie të thellë mes dy talenteve, secili mjaftueshëm kurajoz që të pranojë frikën dhe të shtyjë tjetrin drejt madhështisë.