Pak kohë më parë u raportua për gjendjen e rëndë shëndetësore të këngëtarit Bujar Qamili.

Ai ishte infektuar me coronavirus, që njëherësh ia përkeqësoi gjendjen mjaft shumë.

I ftuar në emisionin “Rudina”, artisti nga Shkodra ka folur më shumë për betejën e tij me COVID-19.

Siç ka treguar edhe më herët, ai kaloi në gjendje kome për disa ditë dhe eksperienca e tij ka qenë një ndër më të vështirat.

Gjatë kohës që ishte në intubim u bë aq agresiv, sa mjekët thotë se u detyruan t’ia lidhnin duart pasi dilte jashtë kontrollit.

“Po ta tregoj, po s’kam qejf ta kujtoj më, por ka qenë një moment jashtëzakonisht i vështirë, një moment që është një shprehje shqiptare ‘armikut mos ia pafsha’. Kaq i rrezikshëm është e kaq keq kam kaluar, të paktën një muaj e gjysmë isha në gjendje shumë të rëndë dhe kam qëndruar për disa ditë me radhë në reanimacion, në gjendje kome derisa jam përmendur, por shansi i madh i imi ka qenë që mjekët italianë më kanë qëndruar pranë dhe më sollën edhe njëherë në jetë”.

“Duket sikur i kemi dëgjuar shpesh ato shprehjet që thonë “ke me vdek, po do të ringjallesh, do të vish edhe njëherë” e mua më duket, sinqerisht ma beso, më duket sikur kam ardhur”, tha ai.