Ka filluar një hetim për vdekjen e një personi gjatë shiut të rrëmbyeshëm në festivalin “Burning Man” , i mbajtur në shtetin amerikan të Nevadës.

Nuk janë bërë të ditura më shume detaje për rrethanat e kësaj vdekjeje, raporton BBC.

Në këtë ngjarje mijëra njerëz mbetën të bllokuar pasi moti i lig e ktheu tokën në baltë të thellë dhe të rrëshqitshme.
“Burning Man” mbahet në shkretëtirën e shkëmbit të zi, e cila zakonisht është e thatë dhe me pluhur.

“Zyra e Sherifit të Qarkut Pershing aktualisht është duke hetuar një vdekje që ndodhi gjatë kësaj ngjarje shiu”, tha Zyra e Sherifit të Qarkut Pershing të shtunën, duke shtuar se familja e personit ishte njoftuar.

Shiu i dendur e ka bërë të vështirë largimin e njerëzve me automjete dhe zyra e sherifit tha se disa përpjekje për ta bërë këtë e kishin bërë edhe më të vështirë terrenin.

Festivali vjetor është një nga ngjarjet më të njohura të artit dhe kulturës në Amerikë.