Bashkëshorti i presidentes Vjosa Osmani, Prindon Sadriu, është parë nga Ekonomia Online në njërën prej librarive në kryeqytet, duke blerë librat shkollorë për dy vajzat e tyre.

Sadriu nuk deshi të tregojë koston e këtyre librave.

Ministria e Arsimit ka marrë vendim që librat t’i blejnë prindërit, ndërsa më pas do të rimbursohen.

Aplikimi bëhet përmes platformës “E-Kosova”. Për nxënësit nga klasa e parë deri në të pestën, në xhirollogaritë e prindërve do të paguhen nga 80 euro (50 euro për libra dhe 30 për mjete shkollore, sikur është thënë). Derisa nxënësit nga klasa 6 deri në klasën e 9, i kanë të siguruara tekstet mësimore, dhe do të ndahen 30 euro si mbështetje për materiale të tjera shkollore.