Edinson Cavani do të largohet si futbollist i lirë nga kampionët në fuqi të Francës, Paris Saint Germain.

Pas shtatë viteve qëndrim në kryeqytetin francez, Cavani do të largohet nga PSG si futbollist i lirë pasi i mbaron kontrata në qershor.

Shumë skuadra janë vënë pas tij, duke përfshirë Boca Juniors, La Galaxy, Inter Miami e Leeds United.

Por duket se Cavani do të rikthehet përsëri në Serie A, pasi ka marrë një ofertë tunduese.

Cavani sa ishte pjesë e Napolit

Është ish-skuadra e tij Napoli që i ka ofruar kontratë tri vjeçare me një pagë vjetore prej shtatë milionë euro.

Në rast se nënshkruan me Napolin, Cavani do të fitojë 21 milionë euro në tri sezonet e fundit me napolitanët.

Gjithsesi Napoli i ka ofruar edhe shtatë milionë euro të tjera bonuse në rast të nënshkrimit pasi lojtari është i lirë.

Tuttosport raporton se 33-vjeçari e ka marrë shumë seriozisht ofertën e Napolit dhe pritet rikthimi i tij në Serie A.