Zyrtarët shëndetësorë amerikanë kanë përgjysmuar kohën e rekomanduar të izolimit për personat me Covid-19, asimptomatikë, nga 10 në 5 ditë, mes një rritje të rasteve.

Sipas mediave të huaja, përcjell Telegrafi, Qendrat për Kontrollin e Sëmundjeve (CDC) thanë se kjo duhet të pasohet nga pesë ditë të mbajtjes së një maskë rreth të tjerëve.

Ai tha se shumica e transmetimeve ndodhin dy ditë para dhe tre ditë pas shfaqjes së simptomave.

Masa pritet të lehtësojë ndërprerjet e shkaktuara nga mungesa e stafit në shumë zona për shkak të infeksioneve.

Rritja e mprehtë e rasteve është nxitur nga varianti Omicron i virusit, i cili tani është lloji dominues në SHBA.

Studimet e hershme sugjerojnë se Omicron është më i butë, por më ngjitës se variantet e tjera.

Por numri në rritje i njerëzve që infektohen dhe duhet të izolohen ka vënë presion në disa industri, përfshirë udhëtimin ajror, me mijëra fluturime të anuluara gjatë festës së Krishtlindjes.

Ndryshimi, për të cilin CDC tha se ishte “i motivuar nga shkenca”, u njoftua pasi më shumë se 200,000 infeksione ditore u konfirmuan në dy ditët e fundit në vend.

Drejtoresha e CDC Dr Rochelle Walensky tha se udhëzimi i rishikuar “balancon atë që dimë për përhapjen e virusit dhe mbrojtjen e ofruar nga vaksinimi dhe dozat përforcuese”.

“Këto përditësime sigurojnë që njerëzit të mund të vazhdojnë sigurt jetën e tyre të përditshme”, tha Dr Walensky në një deklaratë.