Nuk ka vend në shoqëritë demokratike për taktikat e njollosjes kundër qytetarëve, sikurse ato që janë përdorur ndaj Edward Joseph, ka shkruar në “Twitter” Departamenti Amerikan i Shtetit (DASh) për Evropën dhe Azinë.

Përveç këtij njoftimi, Joseph ka publikuar edhe deklaratën ku ai ka theksuar se presidenti i Serbisë, Aleksandër Vuçiq, ka bërë akuza serioze dhe të pabaza ndaj tij gjatë një paraqitjeje të liderit serb në një televizion në Serbi më 30 dhjetor.

Departamenti Amerikan i Shtetit ka shtuar se zërat e pavarur dhe organizatat e shoqërisë civile promovojnë llogaridhënien dhe transparencën.

“Ne vlerësojmë ata që ndërtojnë shoqëri paqësore në Ballkanin Perëndimor”, ka thënë DASh-i.

Smear tactics against private citizens, like those used against @edwardpjoseph, have no place in democratic societies. Independent voices and civil society organizations promote accountability and transparency. We value those building a peaceful society in the Western Balkans. https://t.co/uJpm7xTZII pic.twitter.com/9D6r2HxfdS

— DoS Europe and Eurasia (@StateEUR) January 9, 2023

Çfarë tha Vuçiqi?

Më 30 dhjetor, gjatë një paraqitjeje në televizionin “Prva”, Aleksandër Vuçiq, e quajti Edward Josephin, – ligjërues në Universitetin Johns Hopkins dhe ish-kreu i misionit në Kosovë të Organizatës për Siguri dhe Bashkëpunim në Evropë – “bot shqiptar” lidhur me atë që Joseph kishte deklaruar një ditë më parë në një intervistë dhënë për “Radion Evropa e Lirë”.

Duke e quajtur “bastard” Josephin, Vuçiq po ashtu deklaroi për televizionin serb se ky ekspert i Ballkanit merr “shumë para nga lobi shqiptar”.

Presidenti serb nuk ka ofruar dëshmi për këto pretendime.

Çfarë tha Joseph në intervistë dhe pas deklaratës së Vuçiqit?

Gjatë intervistës për “REL”-in, mes tjerash, Joseph potencoi se sa i përket barrikadave të ngritura nga një grup i serbëve lokalë në veri të Kosovës, që bllokuan rrugët për pothuajse tri javë, Vuçiqi “po manipulonte Shtetet e Bashkuar dhe Bashkimin Evropian”.

Ai po ashtu ka theksuar se qetësia në Kosovë, pas heqjes dorë nga barrikadat, do të zgjasë “deri kur Aleksandar Vuçqi të vendosë se i duhet një krizë e re në Kosovë”.

Pas akuzave të Vuçiqit, Joseph ka shkruar në “Twitter” se ato janë “krejtësisht të rreme” sa i përket lidhjeve të pretenduara financiare mes tij dhe “lobit shqiptar”.

On 30 December, President @avucic forcefully alleged on Serbian TV that I am an Albanian agent, “getting lots of Albanian cash”, only a portion of which I report as income. 🧵 1/ https://t.co/LT6oKao6pe

— Edward P. Joseph (@edwardpjoseph) December 31, 2022

“Alekskandar Vuçiq nuk ka dëshmi për t’i mbështetur këto akuza serioze sepse lidhje të tilla nuk ka dhe nuk ka pasur asnjëherë. Qëndrimet e mia janë produkt i dhjetëra viteve në terren – në të gjitha konfliktet në Ballkan, përfshirë edhe vitet e luftës”, ka shkryar  Joseph.

Ai ka shtuar  se duke e ofenduar dhe sulmuar personalisht atë, Vuçiq tregoi edhe një herë karakterin e tij.

“‘Nepristojan’ është një fjalë e sjellshme serbe për sjelljen ngacmuese të Vuçiqit. Diplomatët duhet të respektojnë zyrën e presidentit serb. Banorët? Jo dhe aq”, ka theksuar Joseph.

By suggesting that I am shilling for cash, Vucic also opens the door to questions about who #Belgrade & Banja Luka are paying for influence – and what policies/projects they are pushing – in #Washington. 7/

— Edward P. Joseph (@edwardpjoseph) December 31, 2022