Dekani i Fakultetit të Filologjisë në Universitetin “Ukshin Hoti” në Prizren, Prof. Dr. Shkelqim Millaku, të mërkurën ka pritur në takim Komandantin për  ndërlidhje ushtarako-civile(CIMIC) të KFOR-it turk në Prizren, Huseyin Ayvaci.  Dekani Millaku e njoftoi komandantin turk për të arriturat, sfidat dhe projektet për të ardhmen në Fakultetin e Filologjisë në UPZ.

Ai e falënderoi për mbështetjen që i kanë dhënë UPZ-së dhe shtetit të Kosovës KFOR-i turk, ambasada dhe shteti i Turqisë.  Dekani Millaku u shpreh mirëpritës për bashkëpunimin dhe mbështetjen e KFOR-it turk në projektet e ardhshme që ka ky fakultetit sidomos formimit të laboratorit të gjuhëve.

Nga ana tjetër, komandanti Huseyin Ayvaci, e falënderoi dekanin për mikpritjen dhe u shpreh i gatshëm për mbështetjen e këtij fakulteti në kuadër të projekteve që kanë në Kosovë.