Analisti Agron Demi ka thënë se deputetët e Kuvendit i kushtojnë shtetit mbi 1 milionë euro për paga vetëm gjatë muajit korrik.

Sipas tij, paga bazë e deputetit është 1 mijë e 859 euro.

“Një seancë po zgjatë rreth 5min mesatarisht, 46 seanca të dështume, deputetët maksimum prej prillit kanë punu 4 orë. E për këto 4 orë i kanë mar deri tash rreth 7 mijë euro.” – ka shkruar ai.

Shkrimi i tij:

Paga bazë e një deputeti/eje është 1,859 euro.

Kjo pagë rritet në bazë të viteve të shërbimit të deputetit. Për shembull në muajin maj ka deputet që i ka mar mbi 2,600 euro edhe për të hyrat retroaktive.

Brenda muajit maj janë shpenzu 235 mije euro për pagat e 103 deputetëve (17 deputetë që vazhdojnë me qenë në Qeveri kanë vendosë me ju përkushtu benefiteve më të majme që ofron ekzekutivi).

Tash që po shkon edhe korriku pa u konstituu Kuvendi, na si taksapagues kemi shpenzu mbi 1 milion euro për pagat e këtyre 120 badihavgjive.

Një seancë po zgjatë rreth 5min mesatarisht, 46 seanca të dështume, deputetët maksimum prej prillit kanë punu 4 orë. E për këto 4 orë i kanë mar deri tash rreth 7 mijë euro.

Emrat nuk po i qes këtu, ngase të gjithë e dini se kush është deputet/e e kënd e keni votu.

Tash, ti që mer page minimale, e për të njejten kohë je me fat nëse ke punu 12 orë në ditë e i ke mar 1,000 euro, herën tjetër dil e votoi prapë të njejtit.