Deputetët e Kuvendit të Kosovës, Zenun Pajaziti dhe Shqipe Pantina, po marrin pjesë në një program vizite treditore në Gjermani, me ftesë të Ambasadës dhe Qeverisë Gjermane.

Takimet filluan në Bundestag, me deputetë nga Komisioni për punë të jashtme, Komisioni për ligje, Grupi e Miqësisë me vendet e Evropës juglindore, si dhe me fondacione dhe shoqata të ndryshme.

Deputetët poashtu u pritën nga ministri për çështjet evropiane, Michael Roth.

Në të gjitha takimet në fokus ishte mbështetja për Kosovën në proceset integruese dhe veçanarisht liberalizimi i vizave.

Sot, deputetët e Kuvendit do të zhvillojnë takime në Landin e Thuringia, me kryetarin dhe anëtarët e parlamentit të këtij Landi.