Në mungesë kuorumi ka dështuar votimi i propozimit të PDK-së për shkarkimin e bordit të RTK-së, raporton Ekonomia Online.

Kryetari i Kuvendit, Glauk Konjufca ka konstatuar se nuk ka kuorum.

“Konstatoj që Kuvendi nuk i ka numrat për me ia dhënë një epilog kësaj çështje kështu që mbetet për një ditë tjetër”, ka thënë Konjufca.

Gjashtë deputetë të PDK-së kanë propozuar shkarkimin e anëtarëve të bordit të RTK-së.

Gjatë kësaj seance, në sallë nuk kanë qëndruar deputetët e Lëvizjes Vetëvendosje, ndërsa seancën e ka kryesuar Konjufca. Kurse, opozita ka qenë e bashkuar rreth propozimit të PDK-së për shkarkim të bordit./EO/