Shkolla “Musa Hoti”, në Mitrovicë është djegur si pasojë e zjarrit që ka shpërthyer pas djegies së një shtëpie pranë saj.

Zjarrfikësit ishin në vendin e ngjarjes, edhe në orët e mbrëmjes, duke bërë përpjekje që ta shuajnë zjarrin.

Kryetari i Komunës, Agim Bahtiri, ka falënderuar zjarrfikësit e Mitrovicës, Vushtrrisë, Skenderajt, Mitrovicës së veriut, Policinë e Kosovës, FSK-në dhe kompaninë “Uniteti” për punën që po e bëjnë për fikjen e zjarrit.

“Si rezultat i kësaj kanë shpëtuar disa shtëpi përreth pa u përfshirë nga zjarri. Fatmirësisht nuk ka të lënduar, përveç një pjesëtari të Policisë së Kosovës, që ka pësuar një lëndim”, ka bërë të ditur Bahiri.